2023 წლის 16 მაისს, GTUNI-ს სტუდენტებისთვის, უნივერსიტეტის ბიბლიოთეკაში გაიმართა ორი შეხვედრა;

პირველი შეხვედრა: ,,სახელმწიფო შესყიდვების პროცესის მართვა და გადაწყვეტილებების მიღების პრაქტიკა".

მომხსენებელი: გვანცა სისოშვილი - ივანე ჯავახიშვილის სახელობის თბილისის სახელმწიფო უნივერსიტეტის დოქტორანტი, პერსონალურ მონაცემთა დაცვის სამსახურის შესყიდვების მენეჯერი.

შეხვედრაზე განხილული იყო შემდეგი საკითხები:

• ზოგადი სტატისტიკური მაჩვენებლების მიმოხილვა სახელმწიფო შესყიდვებში;
• ტენდერი, როგორც სახელმწიფო შესყიდვის ელექტრონული საშუალება;
• სახელმწიფო შესყიდვების სააგენტოს ერთიანი ელექტრონული სისტემის გაცნობა და სისტემაში მუშაობის სპეციფიკა შესყიდვების მენეჯერებისთვის;
• კერძო სექტორის ჩართულობის ხარისხი და კონკურენცია სახელმწიფო შესყიდვებში;
• სატენდერო პროცედურების მართვის პრაქტიკა, თანმდევი რისკები, თავისებურებები და გაუმჯობესების გზები;
• ეკონომიკური და პოლიტიკური ფაქტორების გავლენა სახელმწიფო შესყიდვებთან დაკავშირებულ მენეჯერულ გადაწყვეტილებებზე;
• რჩევები და რეკომენდაციები სახელმწიფო შესყიდვებით დაინტერესებული პირებისთვის.

მეორე შეხვედრა: ,,ბრენდ-მენეჯმენტი და გადაწყვეტილების მიღება ავტონაწილების ბიზნესში".

მომხსენებელი: კონსტანტინე ფაცაცია - TAI (Tegeta Automotive Imports) დირექტორი, ბიზნეს ინჟინერინგის მაგისტრი.

სპიკერმა შეხვედრაზე ისაუბრა ისეთ საინტერესო და მნიშვნელოვან თემებზე როგორიცაა:

• ავტონაწილების ბაზრის მიმოხილვა საქართველოში;
• სეგმენტზე მორგებული ბრენდების მოძიება საერთაშორისო ბაზარზე;
• მომგებიანობის ანალიზი და KPI-ების განსაზღვრა;
• მარაგების კონტროლი და შეკვეთების მართვისას მისაღები გადაწყვეტილებები;
• იმპორტირების თანმდევი რისკების მართვა;
• ავტონაწილების ბიზნესის განვითარების მიმართულებები საქართველოში.