განცხადებები
ბრძანება № 01-01/77
29 დეკემბერი 2010
ბრძანება № 01-01/77
გურამ თავართქილაძის სასწავლო უნივერსიტეტისადმი
ქ. თბილისი “29 “ დეკემბერი 2010 წ.
საქართველოს განათლებისა და
მეცნიერების მინისტრის 2010 წ. 10 დეკემბრის №120/ნ ბრძანებით დამტკიცდა უმაღლესი
განათლების კვალიფიკაციათა ჩარჩო, რომლითაც განისაზღვრა მიმართულებების, დარგების/სპეციალობებისა და ქვედარგების/სპეციალიზაციების ჩამონათვალი, აგრეთვე კვალიფიკაციების ფორმირების წესი.
შესაბამისად, გურამ თავართქილაძის სასწავლო უნივერსიტეტში სავალდებულოა განხორციელდეს შინაგანაწესის, მისიის, დებულებების, სასწავლო გეგმების, პროგრამების, აგრეთვე სხვა სამუშაო დოკუმენტაციის შესაბამისობაში მოყვანა ზემოაღნიშნულ დოკუმენტთან.
აღნიშნულიდან გამომდინარე ვბრძანებ:
- დაევალოს გურამ თავართქილაძის სასწავლო უნივერსიტეტის იურიდიული სამსახურის უფროსს, ბატონ ლევან დოღონაძეს უნივერსიტეტის ქვენორმატიულ აქტებში ცვლილებებისა და /ან დამატებების შეტანა.
- დაევალოთ: ბიზნესის ადმინისტრირების ფაკულტეტის დეკანის მ/შ ქალბატონ თალიკო ჟვანიას; სამართლის ფაკულტეტის დეკანს ბატონ შენგელი ფიცხელაურს; სოციალურ მეცნიერებათა ფაკულტეტის დეკანს ბატონ თემურ ჟღენტს; ხარისხის უზრუნველყოფის სამსახურის უფროსს ქ–ნ ლალი ჩაგელიშვილს, უნივერსიტეტის პროგრამებსა და სასწავლო გეგმებში ცვლილებების შეტანა ზემოაღნიშნული დოკუმენტით განსაზღვრული მიმართულებების, დარგების / სპეციალობებისა და ქვედარგების /სპეციალიზაციების გათვალისწინებით.
- დაევალოთ: ბიზნესის ადმინისტრირების ფაკულტეტის დეკანის მ/შ ქალბატონ თალიკო ჟვანიას; სამართლის ფაკულტეტის დეკანს ბატონ შენგელი ფიცხელაურს; სოციალურ მეცნიერებათა ფაკულტეტის დეკანს ბატონ თემურ ჟღენტს აღნიშნული ცვლილებების შესაბამისად მოაწესრიგონ კურსდამთავრებულთა (ბაკალავრიატი, მაგისტრატურა) პირადი საქმეები, ახალი კვალიფიკაციათა ჩარჩოში განსაზღვრული სპეციალობების მიხედვით დიპლომების გასაცემად.
- დაევალოს უნივერსიტეტის ყველა სტრუქტურული ქვედანაყოფის ხელმძღვანელს, თავისი კომპეტენციის ფარგლებში, მათ სახელმძღვანელო დოკუმენტაციაში განახორციელოს ის ცვლილებები, რომლებიც სავალდებულოა ეროვნულ საკვალიფიკაციო ჩარჩოსთან შესაბამისობისთვის.
- ამ ბრძანების №1 , №3, №4 ად № 5 პუნქტების შესრულებისათვის განისაზღვროს 3 კვირის ვადა ბრძანების გამოცემიდან.
- ამ ბრძანების №2 პუნქტის შესრულებისათვის განისაზღვროს ვადა 2011 წლის 5 მაისამდე.
- კონტროლი ამ ბრძანების შესრულებაზე დაევალოს გთსუ–ის რექტორის მოადგილეს ქალბატონ მაია უკლებას.
- ბრძანება განთავსდეს
უნივერსიტეტის ვებ–გვერდზე და დაეგზავნოს უნივერსიტეტის სტრუქტურული ერთეულების
ხელმძღვანელებს.
საფუძველი: საქართველოს განათლებისა და მეცნიერების მინისტრის 2010 წ. 10 დეკემბრის № 120/ნ ბრძანება.
რექტორი გიორგი მათიაშვილი