შეხვედრის მონაწილეებმა ისაუბრეს ქართველი და პოლონელი სტუდენტების ინტერესთა თანხვედრის თაობაზე.
კურსდამთავრებულები და მეგობრები
ნოდარ ჯავახიშვილი
ფარმსახლი, კომერციული დირექტორი
2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.
ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.
გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე მარკეტინგის ფაკულტეტი.
მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.
GTUNI ის ადგილია, სადაც ყველა საშუალება გეძლევა, მიაღწიო დასახულ მიზანს.
გირჩევთ, ბოლომდე იბრძოლოთ საკუთარი მიზნის მისაღწევად და ღირსეულად ატაროთ ამ უნივერსიტეტის სახელი.
ახალი ამბები
ახალი ამბები
უნივერსიტეტი პოლონელ სტუმრებს მასპინძლობდა
19 სექტემბერი 2011
2011 წლის 19 სექტემბერს გურამ თავართქილაძის სასწავლო უნივერსიტეტის რექტორმა პროფესორმა გიორგი მათიაშვილმა პოლონეთის საარბიტრაჟო სასამართლოს პრეზიდენტი ვლადიმირ ბრიხი მიიღო.
უნივერსიტეტის რექტორმა პოლონელ სტუმარს უმაღლესი სასწავლებლის შექმნის ისტორიის, უნივერსიტეტში მოქმედი ფაკულტეტების, სასწავლო პროცესის, სასწავლებელში განხორციელებული სიახლეებისა და სამომავლო გეგმების შესახებ მოუთხრო.
თავის მხრივ ბატონმა ბრიხმა მასპინძლებს პოლონეთის საარბიტრაჟო
სასამართლოს საქმიანობა გააცნო და დაგროვილი გამოცდილებაც გაუზიარა.
შეხვედრის მონაწილეებმა ისაუბრეს ქართველი და პოლონელი სტუდენტების ინტერესთა თანხვედრისა და ცოდნის გაღრმავების თაობაზე, დასახეს სამომავლო თანამშრომლობის პერსპექტივებიც.
შემდგომ სტუმრებმა უმაღლესი სასწავლებლის ბიბლიოთეკის ახალი შენობა, იმიტირებული სასამართლო დარბაზი, კრიმინალისტიკის, ტელე და რადიო ლაბორატორიები დაათვალიერეს და მაღალი შეფასება მისცეს უნივერსიტეტში დამკვიდრებული თეორიული და პრაქტიკული ცოდნის შერწყმის მეთოდიკას.