გურამ თავართქილაძის სახელობის თბილისის სასწავლო უნივერსიტეტსა და საქართველოს პროფესიონალ ბუღალტერთა და აუდიტორთა ფედერაციას შორის მემორანდუმი გაფორმდა.

მემორანდუმის ფარგლებში, GTUNI-ს ბიზნესის ადმინისტრირების სპეციალობის კურსდამთავრებულებს მიენიჭებათ სერტიფიცირებული ბუღალტრის სტატუსი.

სიამაყით გაცნობებთ, რომ GTUNI-ს სასწავლო პროგრამის: ბუღალტრული აღრიცხვის; ფინანსური აღრიცხვის და მენეჯერული აღრიცხვის სილაბუსები თანხვედრაშია ბაფის პროფესიული სერტიფიცირების პროგრამის (ACCA) საბაზისო დონის მოდულებთან F1, F2 და F3.

ეს გვაძლევს უნიკალურ შესაძლებლობას, რომ GTUNI-ს ბიზნესის ადმინისტრირების კურსდამთავრებულებს BAF-მა ჩაუთვალოს უნივერსიტეტის მიერ მინიჭებული კრედიტები შესაბამის კურსებში; ტურიზმის პროგრამის ფარგლებში კი - F1 და F2 დონეები.

GTUNI მადლობას უხდის საქართველოს პროფესიონალ ბუღალტერთა და აუდიტორთა ფედერაციას თანამშრომლობისთვის.