2016 წლის 29 მარტს, ფესტივალ „ფანARTის" ფარგლებში, ბავშვთა და ახალგაზრდობის ეროვნული ცენტრის კინოდარბაზში ფოლკლორის საღამო მოეწყო.
კონცერტი გურამ თავართქილაძის სასწავლო უნივერსიტეტის ფოლკლორულმა ანსამბლმა „ივერთამ“ გახსნა,
მონაწილეების მიერ შესრულებულ ქართულ-ხალხურ სიმღერებს დარბაზში მსხდომთა მქუხარე აპლოდისმენტები და ფესტივალის კონსულტანტის სვიმონ ჯანგულაშვილის განსაკუთრებული შეფასება მოჰყვა; „გახარებული ვარ როგორც მუსიკოსი. "ფანART"-ი არის მოვლენა, რომელიც ნიჭიერ ახალგაზრდებს თვითგამოხატვისა და სცენაზე დგომის საშუალებას აძლევს“ - აღნიშნა კონსულტანტმა.
სვიმონ ჯანგულაშვილმა საკუთარი არჩევანი შემდგომ ანსამბლებზე შეაჩერა: საპატრიარქოს ახალგაზრდული ცენტრის ანსამბლი „იავნანა“; გიორგი მთაწმინდელის სახელობის საეკლესიო გალობის უმაღლესი სასწავლებლის ანსამბლი; ბავშვთა ფოლკლორული ანსამბლი „ფერხისა“; ლანჩხუთის მუნიციპალიტეტის სოფელ ჩოჩხათის საჯარო სკოლის ანსამბლი; გურამ თავართქილაძის სასწავლო უნივერსიტეტის ფოლკლორული ანსამბლი „ივერთა“; თბილისის სახელმწიფო უნივერსიტეტის ანსამბლი „დეკა“.
31 მარტი ფესტივალი საზეიმოდ დაიხურა.
გურამ თავართქილაძის სასწავლო უნივერსიტეტის ფოლკლორული ანსამბლის „ივერთას“ წევრებს ფესტივალის ჟიურისაგან სიგელი და სამახსოვრო საჩუქრები გადაეცათ.
იხილეთ ანსამბლის გამოსვლა:
https://www.youtube.com/watch?v=GK15vxhTv2w
https://www.youtube.com/watch?v=ep92Pf8ylpU
https://www.youtube.com/watch?v=4c8zxcDwBd4
.