ბაზალეთის სასტუმრო კომპლექსი ტრენინგის მონაწილეებს მასპინძლობდა.
კურსდამთავრებულები და მეგობრები
ნოდარ ჯავახიშვილი
ფარმსახლი, კომერციული დირექტორი
2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.
ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.
გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე მარკეტინგის ფაკულტეტი.
მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.
GTUNI ის ადგილია, სადაც ყველა საშუალება გეძლევა, მიაღწიო დასახულ მიზანს.
გირჩევთ, ბოლომდე იბრძოლოთ საკუთარი მიზნის მისაღწევად და ღირსეულად ატაროთ ამ უნივერსიტეტის სახელი.
განცხადებები
ახალი ამბები
ახალი ამბები
მემორანდუმის ფარგლებში ტრენინგი ჩატარდა
4 ივლისი 2013
2013 წლის 3 ივნისს გურამ თავართქილაძის სასწავლო, თბილისის თავისუფალ, ქართულ-ამერიკულ, საქართველოს, ილიას სახელმწიფო და შავი ზღვის საერთაშორისო უნივერსიტეტებს შორის სამართლის სკოლის ბიბლიოთეკების ნებაყოფლობით თანამშრომლობასთან დაკავშირებით მემორანდუმი გაფორმდა.
მემორანდუმის ხელისმომწერნი თანხმდებიან, დართონ ერთმანეთს (მათ შორის, მემორანდუმის მონაწილე ყველა დაწესებულების თანამშრომელსა და სტუდენტს) წვდომის უფლება ბიბლიოთეკის რესურსებზე იმდენად, რამდენადაც ეს შესაძლებელია ბიბლიოთეკის რესურსებისა და მემორანდუმის შესაბამისი მონაწილის შიდა წესების გათვალისწინებით.
ურთიერთთანამშრომლობის მემორანდუმის ერთგვარი გაგრძელება იყო მიმდინარე წლის 2-3 ივლისს ბაზალეთის სასტუმრო კომპლექსში გამართული ტრენინგი ბიბლიოთეკის განვითარების თემებზე.
ტრენინგს უძღვებოდა ამერიკელი ექსპერტი იურიდიული ბიბლიოთეკის საკითხებში მონიკა ორაკელი.