კურსდამთავრებულები და მეგობრები

ელენე მარგალიტაშვილი

ელენე მარგალიტაშვილი

H&M (Hennes&Mauritz Georgia) - თარჯიმან-კორექტორი


გურამ თავართქილაძის სასწავლო უნივერსიტეტი საუკეთესო არჩევანია, რაც ცხოვრებაში გამიკეთებია!

ეს არის ადგილი, სადაც გამჩნევენ; ადგილი, სადაც უკეთესი ადამიანი ხდები; ადგილი, რომელიც თავიდან თითქოს შორი, შემდეგ კი ყველაზე ახლობელია.

სადაც არ უნდა ვისწავლო, რომელი უნივერსიტეტის სახელიც არ უნდა შეემატოს ჩემს ბიოგრაფიას, ყოველთვის, როდესაც კითხვას დამისვამენ, ყველაზე დიდი სიამაყით, სითბოთი და სიყვარულით ვუპასუხებ, რომ მე გურამ თავართქილაძის სასწავლო უნივერსიტეტის სოციალურ მეცნიერებათა ფაკულტეტზე ვსწავლობდი! 

 


ახალი ამბები

ბიზნეს ოლიმპიადის პირველი ტურის გამარჯვებული გამოვლინდა

15 მაისი 2013


2013 წლის 14 მაისს გურამ თავართქილაძის სასწავლო უნივერსიტეტში ბიზნეს ოლიმპიადის პირველი ტური ჩატარდა.

ოლიმპიადაში უნივერსიტეტის ბიზნესის ადმინისტრირების ფაკულტეტის სამი გუნდი იღებდა მონაწილეობას: „სმარტი“, „ ნოსტრა კასო“ და „არაფერი“.

გუნდებს პირველ ტურში უნივერსიტეტის (გთსუ) ცნობადობის დასადგენად მარკეტინგული კვლევის ანალიზი უნდა წარმოედგინათ.

მარკეტინგული კვლევის ჩასატარებლად ოლიმპიადაში მონაწილე გუნდის წევრებს წინასწარ უნდა შეედგინათ კითხვარი, რომლის მიხედვითაც დაიდებოდა გამოკითხვის საბოლოო შედეგი.

გუნდებმა დამსწრე აუდიტორიას საინტერესო პრეზენტაციები წარმოუდგინეს და ჟიურის წევრების კითხვებსაც უპასუხეს.

დარბაზის სიმპათიებიც თავიდანვე გამოიკვეთა.

თუმცა, გადამწყვეტი სიტყვა ოლიმპიადის ჟიურის წევრებმა თქვეს და, დამსახურებისამებრ, საბოლოო ქულები შემდეგნაირად გადანაწილდა: გუნდი „არაფერი“ (გიორგი ქიმერიძე; ნინო მჭედლიშვილი; სალომე კაპანაძე) – 145 ქულა; „სმარტი“ – 130 ქულა და „ნოსტრა კასო“ – 120 ქულა.

გუნდები რამდენიმე კრიტერიუმით ფასდებოდა: პროექტის დამუშავების დონე, კლევის დონე, დროის ფაქტორი, ლაკონურობა და პრეზენტაციის უნარი.

ბიზნეს ოლიმპიადაში გამარჯვებული გუნდის ვინაობა 28 მაისს, ფინალურ ტურში გამოვლინდება.