კურსდამთავრებულები და მეგობრები

მერაბ გაბუნია

მერაბ გაბუნია

შპს "პარკ ჰოტელი'' - დირექტორი


დავამთავრე თბილისის ეკონომიკიურ ურთიერთობათა სახელმწიფო უნივერსიტეტი, ბიზნესისა და მართვის ფაკულტეტი, სადაც გავიარე ოთხ წლიანი პროფესიული კურსი, რამაც მომცა უდიდესი ცოდნა და სურვილი გამეგრძელებინა სწავლა, გურამ თავართქილაძის სასწავლო უნივერსიტეტის მაგისტრატურაში.

სამაგისტრო პროგრამის სწავლებისას, გავიარე ფინანსებისა და საბანკო საქმის კურსი, მივიღე მაგისტრის ხარისხი. აქ მიღებული განათლება და გამოცდილება წარმატებულად გამოვიყენე კარიერულ ცხოვრებაში. მინდა მადლობა გადავუხადო ბატონ გურამ თავართქილაძეს და პროფესორ მასწავლებლებს რომ მომეცა საშუალება მესწავლა ერთ-ერთ საუკეთესო უნივერსიტეტში და მინდა ვუსურვო ამჟამინდელ და მომავალ სტუდენტებს შეინარჩუნონ უნივერსიტეტის ტრადიციები და მიაღწიონ დასახულ მიზანს, წარმატებას!

ახალი ამბები

ტესტირებაში გამარჯვებულები დაჯილდოვდნენ

22 დეკემბერი 2011

2011 წლის 24 ნოემბერს გურამ თავართქილაძის სასწავლო უნივერსიტეტსა და თბილისის პირველ ექსპერიმენტულ სკოლას შორის გაფორმებული ურთიერთთანამშრომლობის მემორანდუმის ფარგლებში მიმდინარე წლის 12 და 15 დეკემბერს პირველი ექსპერიმენტული სკოლის დამამთავრებელი კლასის მოსწავლეებთან ინგლისურ ენაში ტესტირება ჩატარდა.

ტესტირებაში 137 მოსწავლე იღებდა

მონაწილეობას. მათ გრამატიკული, ლექსიკური და ლოგიკური სავარჯიშოებისათვის უნდა ეპასუხათ.

თავად ტესტის სირთულე მთლიანი ევროპული ჩარჩოს უცხო ენის ფლობის სტანდარტების B1 დონეს შეესაბამებოდა.

ტესტი ოცდათხუთმეტი კითხვისაგან შედგებოდა და ყოველი კითხვა ორი ქულით შეფასდა.

კონკურსში გამსვლელი ქულა 60–70 განისაზღვრა.

ტესტირების საბილოო შედეგების მიხედვით, ბარიერი ოცდათვრამეტმა მოსწავლემ გადალახა, ხოლო ყველაზე გამორჩეულებმა საპრიზო ადგილები ასე გაინაწილეს:

პირველი ადგილი – ელენე ლომსაძე (70 ქულა);
მეორე ადგილი – გიორგი გრძელიშვილი (68 ქულა);
მესამე ადგილი – მარიამ კირვალიძე (67,5 ქულა).

22 დეკემბერს კი ტესტირებაში მონაწილენი უნივერსიტეტს ესტუმრნენ, დაათვალიერეს უნივერსიტეტის მატერიალურ–ტექნიკური ბაზა, იმიტირებული სასამართლო დარბაზი, კრიმინალისტიკის, ტელე და რადიო ლაბორატორიები, ბიბლიოთეკის ახალი კორპუსი, ბოლოს კი საზეიმო ცერემონიალზეც აღმოჩნდნენ.

გურამ თავართქილაძის სასწავლო უნივერსიტეტის რექტორმა პროფესორმა გიორგი მათიაშვილმა ტესტირებაში გამარჯვებულ და მონაწილე მოსწავლეებს თავად გადასცა სერტიფიკატები და საჩუქრები.
სხვა ამბები »