2013 წლის 28 მაისს დასასვენებელ კომპლექს, სასტუმრო „ლოპოტაზე“ გურამ თავართქილაძის სასწავლო უნივერსიტეტის ბიზნესის ადმინისტრირების ფაკულტეტის სტუდენტთა ბიზნეს ოლიმპიადის ფინალური ტური გაიმართა.

ფინალურ ტურში ერთმანეთს გუნდები „არაფერი“ და „სმარტი“ დაუპირისპირდნენ.

ფინალში გუნდებმა მათ მიერ უნივერსიტეტის განვითარების გრძელვადიანი სტრატეგიის შემუშავებისათვის ჩატარებული მარკეტინგული კვლევის შედეგები წარმოადგინეს, საკუთარი ნაფიქრალი გახსნილად და თამამად თქვეს და კარგი მომზადების დონეც აჩვენეს.

იყო კითხვები და სტუდენტთა მიერ არგუმენტირებული პასუხებიც. იყო საკითხებისადმი არაორდინალური, ახალგაზრდული და, ხშირ შემთხვევაში, არაჩვეულებრივი და უცნაური მიდგომებიც.

ჟიურის წევრთა გადაწყვეტილებით, გამარჯვება ბიზნეს ოლიმპიადის ფინალური ტურის მონაწილე ორივე გუნდის წევრებს ხვდათ წილად: გიორგი ქიმერიძე, სალომე კაპანაძე, ნინო მჭედლიშვილი, საბა კაჭკაჭაშვილი, ელენე თაყაიშვილი, სალომე ასლანიკაშვილი.

და კიდევ ერთი, გადაწყდა, რომ მომავალ წელს ანალოგიური კვლევებისათვის გრანტი დაწესდება, რაც კიდევ უფრო საინტერესოს გახდის სტუდენტურ ცხოვრებას.

იხილეთ ფოტო გალერეა...