პროფესორი გურამ თავართქილაძე - Laissez-Faire Fraternity-ის 2011 წლის ლაურეატი.
კურსდამთავრებულები და მეგობრები
ელენე მარგალიტაშვილი
მთავარი არხის დილის გადაცემა ,,შენი დილა” - ჟურნალისტი
გურამ თავართქილაძის სახელობის თბილისის სასწავლო უნივერსიტეტი საუკეთესო არჩევანია, რაც ცხოვრებაში გამიკეთებია!
ეს არის ადგილი, სადაც გამჩნევენ; ადგილი, სადაც უკეთესი ადამიანი ხდები; ადგილი, რომელიც თავიდან თითქოს შორი, შემდეგ კი ყველაზე ახლობელია.
სადაც არ უნდა ვისწავლო, რომელი უნივერსიტეტის სახელიც არ უნდა შეემატოს ჩემს ბიოგრაფიას, ყოველთვის, როდესაც კითხვას დამისვამენ, ყველაზე დიდი სიამაყით, სითბოთი და სიყვარულით ვუპასუხებ, რომ მე გურამ თავართქილაძის სახელობის თბილისის სასწავლო უნივერსიტეტის სოციალურ მეცნიერებათა ფაკულტეტზე ვსწავლობდი!
განცხადებები
ახალი ამბები
ახალი ამბები
თავისუფლების მედალი გარდაცვალების შემდეგ
27 სექტემბერი 2011
2011 წლის 12 აგვისტოს აშშ ეკონომისტთა საზოგადოებამ (Laissez-Faire Fraternity -LFF), გარდაცვალების შემდეგ, თავისუფლებისა და დამოუკიდებლობის საქმეში შეტანილი წვლილისათვის თბილისის სახელმწიფო ეკონომიკური ურთიერთობებისა და სამართლის უნივერსიტეტის ყოფილი რექტორი, შემდგომ კი გურამ თავართქილაძის სასწავლო უნივერსიტეტის დამფუძნებელი პროფესორი გურამ თავართქილაძე თავისუფლების მედლით დააჯილდოვა.
ინფორმაციისათვის: ამერიკის ეკონომისტთა საზოგადოება ყოველწლიურად მხოლოდ ოთხ ჯილდოს გასცემს: ამერიკის თავისუფლების მედალს და ორდენს. ჯილდო ეძლევათ იმ საზოგადო მოღვაწეებს, რომლებმაც დიდი წვლილი შეიტანეს მსოფლიოში ეკონომიკური და პოლიტიკური თავისუფლების განმტკიცების საქმეში.
პროფესორი გურამ თავართქილაძე 2011 წლის ლაურეატთა შორის დასახელდა. მასთან ერთად 2011 წლის ლაურეატობა წილად ხვდა აშშ ყოფილ პრეზიდენტს როლანდ რეიგანს.
აშშ ეკონომისტთა საზოგადოების მედალი საქართველოში თბილისის სახელმწიფო ეკონომიკური ურთიერთობებისა და სამართლის უნივერსიტეტის ბაკალავრიატის კურსდამთავრებულმა, ამჟამად აშშ ეკონომისტთა საზოგადოების ვიცე-პრეზიდენტმა, სტრეიერის უნივერსიტეტის მაგისტრმა და ლინკოლნის სახელობის უნივერსიტეტის პროფესორ-ემერიტუსმა ზვიად კლიმენტ ლაზარაშვილმა ჩამოიტანა.
2011 წელს გამოიცა წიგნი „American Heroes: Thoreau and Brown”. წიგნი ეძღვნება პროფესორ გურამ თავართქილაძეს და აშშ რამდენიმე უმაღლეს სასწავლებელში სავალდებულო სახელმძღვანელოდ იქნება დასახელებული. ამ სახელმძღვანელომ უკვე აშშ კონგრესის ბიბლიოთეკაში დაიდო ბინა და ხელმისაწვდომია ნებისმიერი დაინტერესებული პირისათვის.