კურსდამთავრებულები და მეგობრები

ნოდარ ჯავახიშვილი

ნოდარ ჯავახიშვილი

ფარმსახლი,  კომერციული დირექტორი

 

2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.

ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.

გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე  მარკეტინგის ფაკულტეტი.

მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.

GTUNI   ის ადგილია, სადაც ყველა საშუალება გეძლევა, მიაღწიო დასახულ მიზანს.

გირჩევთ,  ბოლომდე იბრძოლოთ საკუთარი მიზნის მისაღწევად და ღირსეულად ატაროთ  ამ უნივერსიტეტის  სახელი.

ახალი ამბები

ამერიკელმა პროფესორმა საჯარო ლექცია ჩაატარა

4 მაისი 2011

2011 წლის 4 მაისს გურამ თავართქილაძის სასწავლო უნივერსიტეტს ამერიკის შეერთებული შტატების ხაზინისა და საერთაშორისო განვითარების სააგენტოს (USAID)-ის მთავარი მრჩეველი, ორეგონის უნივერსიტეტის პროფესორი ჩარლზ მორგან სტრომე ეწვია, რომელსაც დიდი როლი მიუძღვის საქართველოში საგადასახადო სისტემაში გატარებული რეფორმების საქმეში.

იგი იყო ბარენცის ჯგუფის წევრი. 2002-2007 წლებში ბატონი სტრომე ხელმძღვანელობდა საქართველოს ბიზნეს გარემოს გაუმჯობესებას და საგადასახადო ადმინისტრირების პროექტებს. მისი რეკომენდაციების საფუძველზე მნიშვნელოვნად გამარტივდა ბიზნესის დაწყებისათვის საჭირო პროცედურები და ვადები, რის შედეგადაც საქართველომ, მსოფლიო ბანკის გამოკვლევების შედეგების მიხედვით, ბიზნესის დაწყების პარამეტრების მიხედვით 112 ადგილიდან მე-12 ადგილზე გადმოინაცვლა და მსოფლიოში ყველაზე წარმატებულ პროექტად ჩაითვალა.

უნივერსიტეტის სტუდენტებთან შეხვედრა გთსუ-ის რექტორმა პროფესორმა გიორგი მათიაშვილმა გახსნა და ისაუბრა ბატონი სტრომეს ღვაწლზე საქართველოს საგადასახადო სისტემაში გატარებული რეფორმების საქმეში; თქვა, რომ ბატონი სტრომე პირველი უცხოელი ექსპერტია, რომელიც დაჯილდოვდა საქართველოს ღირსების ორდენით.

ამერიკელმა პროფესორის საჯარო ლექციის თემა იყო „დაგეგმვა, საგადასახადო ადმინისტრაციის ძირითადი ინსტრუმენტი განვითარებად ქვეყნებში“. მან ლექციის დასაწყისში მიმართა სტუდენტებს, თუ რომელი თემა აინტერესებდათ ყველაზე მეტად, რის შემდეგაც გამოიკვეთა სტუდენტთა ინტერესი.

ახალგაზრდები დაინტერესდნენ, თუ როგორ მუშაობს ამერიკის შეერთებული შტატების საგადასახადო სამსახური.

ჩარლზ მორგან სტრომემ უპასუხა შეკითხვებს; ისაუბრა პოსტსაბჭოთა ქვეყნებში გადასახადების დაგეგმვის სისტემის შესახებ, ყურადღება გაამახვილა ევროპულ კანონმდებლობაზე საგადასახადო სფეროში.

ლექციას გურამ თავართქილაძის სასწავლო უნივერსიტეტის ბიზნესის ადმინისტრირების ფაკულტეტის სტუდენტები ესწრებოდნენ.

სხვა ამბები »