კურსდამთავრებულები და მეგობრები

მარიამ კუტალია

მარიამ კუტალია

საქართველოს სასჯელაღსრულების, პრობაციისა და იურიდიულ დახმარების საკითხთა სამინისტრო


გურამ თავართქილაძის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.

ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე. ახლაც დიდი სიამაყით და სიხარულით ვაგრძელებ სწავლას გთსუ-ს მაგისტრატურაში.

ახალი ამბები

თანადგომა იაპონელ ხალხს

18 მარტი 2011

2011 წლის 18 მარტს გურამ თავართქილაძის სასწავლო უნივერსიტეტის მესვეურნი და სტუდენტები ორთაჭალაში იაპონიის საელჩოს ესტუმრნენ და იაპონელი ხალხისადმი სოლიდარობისა და თანადგომის ნიშნად სანთლებითა და ყვავილებით პატივი მიაგეს მიწისძვრისა და ცუნამის შედეგად დაღუპულთა და უგზოუკვლოდ დაკარგულთა ხსოვნას.

უნივერსიტეტის რექტორმა გიორგი მათიაშვილმა სამძიმრის წიგნში ჩანაწერი გააკეთა და თანადგომა გამოუცხადა იაპონელ ხალხს.