2022 წლის 12 ოქტომბერს გურამ თავართქილაძის სახელობის თბილისის სასწავლო უნივერსიტეტის ადმინისტრაციის წევრები ,,Elsevier"-ის წარმომადგენლებს ვივიენ ვერსკისა და ვლადიმერ დანილოვს შეხვდნენ.

შეხვედრაზე მხარეებმა ისაუბრეს აკადემიური სტატიების გამოქვეყნებასთან დაკავშირებულ საკითხებსა და სამომავლო თანამშრომლობის პერსპექტივებზე.

,,Elsevier"-ის წარმომადგენლებმა უნივერსიტეტის ადმინისტრაციისაგან მიიღეს ინფორმაცია გთუნი-ში კვლევებისა და ინტერნაციონალიზაციის მიმართულებით არსებული ვითარებისა და დაგეგმილი აქტივობების შესახებ.

,,Elsevier"-ის წარმომადგენლებმა ისაუბრეს უშუალოდ ,,Elsevier"-ის ბაზებში მუშაობის პრინციპებზე.

სტუმრებმა ასევე გამოთქვეს თანამშრომლობის სურვილი ვებინარების, სემინარების, კონფერენციებისა და სხვა კვლევითი თუ საგანმანათლებლო ღონისძიებების ორგანიზების მიმართულებით.

შეხვედრის შემდეგ უცხოელმა სტუმრებმა დაათვალიერეს უნივერსიტეტის ინფრასტრუქტურა.