გასვლითი სემინარები შესაბამის პირობას ქმნის, სტუდენტებმა პრაქტიკულ ფორმატში გაითავისონ შესაბამისი ცოდნა და უნარები.
კურსდამთავრებულები და მეგობრები
მარიამ კუტალია
საქართველოს სასჯელაღსრულების და პრობაციის სამინისტრო
გურამ თავართქილაძის სახელობის თბილისის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.
ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე.
განცხადებები
ახალი ამბები
ახალი ამბები
გასვლითი სემინარი საჯარო რეესტრში
22 ნოემბერი 2011
2011 წლის 22 ნოემბერს გურამ თავართქილაძის სასწავლო უნივერსიტეტის ბიზნესის ადმინისტრირების ფაკულტეტის მეორე კურსის 28 სტუდენტს საჯარო რეესტრის ეროვნულ სააგენტოში გასვლითი პრაქტიკული სემინარი ჩაუტარდა.
სტუდენტებს მოუთხრეს საქართველოში ბიზნესის რეგისტრაციის სფეროში განხორციელებული რეფორმების შესახებ. მათ დეტალურად აუხსნეს, თუ რა პროცედურის გავლა უწევს ბიზნესის დაწყების მსურველ ნებისმიერ მოქალაქეს და რამდენად მარტივია დღეს საჯარო რეესტრში რეგისტრაციისათვის საჭირო ყველა პროცედურული რგოლის გავლა, საბუთების ჩაბარებიდან – ამონაწერის მომზადებამდე, მეწარმეთა 
რეგისტრაციისათვის საჭირო ყველა ტრანზაქციას, სარეგისტრაციოდ წარსადგენი დოკუმენტაციის ნიმუშებს, განცხადებებსა თუ სხვა მონაცემებს.
ასეთი სახის გასვლითი სემინარები შესაბამის პირობას ქმნის, სასწავლო კურსის თეორიული სწავლების პარალელურად, სტუდენტებმა პრაქტიკულ ფორმატში გაითავისონ შესაბამისი ცოდნა და უნარები.
ეს ყველაფერი კი ჩვენი ქვეყნის უმაღლესი განათლების სისტემის ოპტიმიზაციის, ბოლონიის პროცესით განსაზღვრულ მოთხოვნებთან დაახლოების, ევროპული განათლების სწავლების ფორმებისა და მეთოდების დანერგვას ითვალისწინებს.