პირველი ქართული გაზეთის გამოსვლიდან 195 წელი გავიდა.
კურსდამთავრებულები და მეგობრები
ნოდარ ჯავახიშვილი
ფარმსახლი, კომერციული დირექტორი
2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.
ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.
გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე მარკეტინგის ფაკულტეტი.
მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.
GTUNI ის ადგილია, სადაც ყველა საშუალება გეძლევა, მიაღწიო დასახულ მიზანს.
გირჩევთ, ბოლომდე იბრძოლოთ საკუთარი მიზნის მისაღწევად და ღირსეულად ატაროთ ამ უნივერსიტეტის სახელი.
განცხადებები
ახალი ამბები
ახალი ამბები
ქართული პრესის დღე უნივერსიტეტში
21 მარტი 2014
2014 წლის 21 მარტს გურამ თავართქილაძის სასწავლო უნივერსიტეტის სოციალურ მეცნიერებათა ფაკულტეტის ჟურნალისტიკის მიმართულების სტუდენტებმა პირველი ქართული გაზეთის გამოსვლიდან 195 წლისთავი აღნიშნეს.
დარბაზში თავშეყრილ სტუდენტებს პირველი „ქართული გაზეთის“ – „საქართველოს გაზეთის“ (1819 წ.) დაარსებისა და გამოცემის თაობაზე ესაუბრა პროფესორი დალი ჩიკვილაძე. მისი თქმით, „ქართული გაზეთი“ იმდროინდელ საქართველოში ერთადერთი პერიოდული გამოცემა იყო და ქართული ჟურნალ-გაზეთების გამოცემის ისტორიაც სწორედ აქედან იღებს სათავეს და ა. შ.
ბეჭდურ მედიაში მცირე ექსკურსი შემდეგ სცენა საქართველოს დამსახურებულ არტისტს თინათინ ელბაქიძეს დაეთმო და ქალბატონმა თინათინმაც, მისთვის დამახასიათებელი ოსტატობით, დარბაზში მსხდომნი ცნობილი ქართველი მწერლის, მთარგმნელის, კრიტიკოსისა და ლიტერატურათმცოდნე გერონტი ქიქოძის პუბლიცისტური წერილების საიდუმლოებას აზიარა.
დასასრულს სტუდენტებმა თინათინ ელბაქიძესთან სამახსოვრო სურათები გადაიღეს.