კურსდამთავრებულები და მეგობრები

მარიამ კუტალია

მარიამ კუტალია

საქართველოს სასჯელაღსრულების და  პრობაციის სამინისტრო

გურამ თავართქილაძის სახელობის თბილისის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.

ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე. 

ახალი ამბები

იმიტირებული სასამართლო პროცესი

8 ივნისი 2011

2011 წლის 8 ივნისს გურამ თავართქილაძის სასწავლო უნივერსიტეტში იმიტირებული სასამართლო პროცესი გაიმართა.

სამართლის ფაკულტეტის მესამე კურსის სტუდენტები უნივერსიტეტის იმიტირებულ სასამართლო დარბაზში განიხილავდნენ ყაჩაღობის ფაქტზე ჩადენილ დანაშაულს, რაც გათვალისწინებულია საქართველოს სისხლის სამართლის კოდექსის 179–ე მუხლის, მე–2 ნაწილის „ბ“ ქვეპუნქტით, ამავე მუხლის მე–3 ნაწილის „ბ“ ქვეპუნქტით, 236–ე მუხლის პირველი და მეორე ნაწილით. საქმეში, პირობითად, წარმოდგენილი იყო მოსამართლე, სხდომის მდივანი, სამი ბრალდებული, მათ შორის: ერთი - არასრულწლოვანი, მეორე - უცხო ქვეყნის მოქალაქე, მესამე - საქართველოს მოქალაქე,  მათი ადვოკატები, ბრალდების მხარის ორი წარმომადგენელი, მოწმეები, ექსპერტები და, რა თქმა უნდა, დაზარალებული.

იმიტირებული სასამართლო პროცესის დასრულების შემდეგ სამართლის ფაკულტეტის დეკანმა, პროფესორმა შენგელი ფიცხელაურმა მადლობა გადაუხადა სტუდენტებს, აგრეთვე მიუთითა იმ მინიმალურ ხარვეზებზე, რომელთაც ადგილი ჰქონდა სასამართლოს მსვლელობისას.

იმიტირებულ სასამართლო პროცესებს გურამ თავართქილაძის სასწავლო უნივერსიტეტში სისტემატური ხასიათი ექნება, რაც ხელს შეუწყობს მომავალი იურისტების თეორიული ცოდნის სასამართლო პრაქტიკასთან შერწყმას.