კურსდამთავრებულები და მეგობრები

ნოდარ ჯავახიშვილი

ნოდარ ჯავახიშვილი

„ჰუალინგ ჯგუფის“  ახალი პროექტის მარკეტინგისა და საზოგადოებასთან ურთიერთობის ხელმძღვანელი

 

2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.

ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.

გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე  მარკეტინგის ფაკულტეტი.

ამჟამად ვმუშაობ ჰიპერმარკეტ "გორგიაში" მარკეტინგისა და გაყიდვების დეპარტამენტის დირექტორად.

მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.

GTTU- ის ადგილია, სადაც ყველა საშუალება გეძლევა, მიაღწიო დასახულ მიზანს.

გირჩევთ,  ბოლომდე იბრძოლოთ საკუთარი მიზნის მისაღწევად და ღირსეულად ატაროთ GTTU-ლის სახელი.

ახალი ამბები

გაერთიანებული საუნივერსიტეტო კონფერენცია „თბილისი მერიოტში“

20 ივნისი 2013

2013 წლის 19 ივნისს სასტუმრო „თბილისი მერიოტში“ სტუდენტთა გაერთიანებული საუნივერსიტეტო კონფერენცია სახელწოდებით „საქართველო და თანამედროვე გამოწვევები“ გაიმართა.

კონფერენციაში მონაწილეობას იღებდნენ გურამ თავართქილაძის სასწავლო უნივერსიტეტის, თბილისის ღია სასწავლო უნივერსიტეტის, თბილისის სასწავლო უნივერსიტეტისა და გორის სახელმწიფო სასწავლო უნივერსიტეტის სტუდენტურ კონფერენციებში გამარჯვებული სტუდენტები.

სტუდენტებმა კონფერენციაზე წარმოადგინეს მოხსენებები რამდენიმე მიმართულებით: ბიზნეს ადმინისტრაცია, სამართალმცოდნეობა, აგრარული მეცნიერება, სოციალური და ჰუმანიტარული მეცნიერებები, ინჟინერია და ჟურნალისტიკა.

კონფერენციის ფარგლებში გაფორმდა ურთიერთთანამშრომლობის მემორანდუმი პარტნიორ უნივერსიტეტებს შორის. მემორანდუმის ფარგლებში გათვალისწინებულია ერთობლივი აკადემიური და პროფესიული საგანმანათლებლო პროგრამების შემუშავება, ერთობლივი სამეცნიერო კვლევებისა თუ ერთობლივი „იმიტირებული სასამართლო პროცესების” ჩატარება და სხვა ღონისძიებები.

გურამ თავართქილაძის სასწავლო უნივერსიტეტის სტუდენტებმა კონფერენციაზე შემდეგი თემები წარმოადგინეს:

1. „საინვესტიციო რისკები და მათი მართვა“ – მარიამ კიკაბიძე (ბიზნესის ადმინისტრირების ფაკულტეტი);
2. „სასკოლო ექსკურსიები, როგორც შიდა ტურიზმის განვითარების ერთ–ერთი მიმართულება“ – ანა ქარდავა (ბიზნესის ადმინისტრირების ფაკულტეტი);
3. „ადგილობრივი თვითმმართველობის პრობლემები თანამედროვე საქართველოში“ – დარეჯან გიორბელიძე (სამართლის ფაკულტეტი);
4. „ინტერნეტის ესთეტიზაცია“ – ნათია ხარაბაძე; რუსუდან ჭიღვარია; მარიამ გიორბელიძე (სოციალურ მეცნიერებათა ფაკულტეტი, ჟურნალისტიკის მიმართულება).

მათ ღირსეულად წარმოაჩინეს საკუთარი თავი გაერთიანებულ საუნივერსიტეტო კონფერენციაზე და, თავის თანატოლებთან ერთად, დამსწრეთა მოწონებაც დაიმსახურეს.

დასასრულს მონაწილეებს სამახსოვრო დიპლომები და კონფერენციისადმი მიძღვნილი სტუდენტური კრებული გადაეცათ.

იხილეთ ფოტო გალერეა...