კურსდამთავრებულები და მეგობრები

ელენე მარგალიტაშვილი

ელენე მარგალიტაშვილი

H&M (Hennes&Mauritz Georgia) - თარჯიმან-კორექტორი


გურამ თავართქილაძის სასწავლო უნივერსიტეტი საუკეთესო არჩევანია, რაც ცხოვრებაში გამიკეთებია!

ეს არის ადგილი, სადაც გამჩნევენ; ადგილი, სადაც უკეთესი ადამიანი ხდები; ადგილი, რომელიც თავიდან თითქოს შორი, შემდეგ კი ყველაზე ახლობელია.

სადაც არ უნდა ვისწავლო, რომელი უნივერსიტეტის სახელიც არ უნდა შეემატოს ჩემს ბიოგრაფიას, ყოველთვის, როდესაც კითხვას დამისვამენ, ყველაზე დიდი სიამაყით, სითბოთი და სიყვარულით ვუპასუხებ, რომ მე გურამ თავართქილაძის სასწავლო უნივერსიტეტის სოციალურ მეცნიერებათა ფაკულტეტზე ვსწავლობდი! 

 


ახალი ამბები

იუსტიციის უმაღლესი საბჭოს წევრები უნივერსიტეტს სტუმრობდნენ

3 დეკემბერი 2013
დღეს, 2013 წლის 3 დეკემბერს გურამ თავართქილაძის სასწავლო უნივერსიტეტს საქართველოს იუსტიციის საბჭოს წევრები თბილისის სააპელაციო სასამართლოს საგამოძიებო კოლეგიის თავმჯდომარე მერაბ გაბინაშვილი და თბილისის სააპელაციო სასამართლოს მოსამართლე თამარ ალანია სტუმრობდნენ.
თავდაპირველად სტუმრებმა უმაღლესი სასწავლებლის შენობა, ბიბლიოთეკა, მატერიალურ-ტექნიკური ბაზა, სასწავლო ლაბორატორიები დაათვალიერეს და უნივერსიტეტის რექტორს, პროფესორ გიორგი მათიაშვილს შეხვდნენ.
შეხვედრაზე ისაუბრეს გეგმებსა და თანამშრომლობის იმ ფორმებზე, რომელიც შეიძლება დაინერგოს მომავალში და საინტერესო და მიმზიდველი აღმოჩნდეს ორივე მხარისათვის.
შეხვედრაზე სამომავლო თანამშრომლობისათვის პირველი ნაბიჯიც გადაიდგა და დაიგეგმა, რომ მიმდინარე წლის 17 დეკემბერს სტუმრები გურამ თავართქილაძის სასწავლო უნივერსიტეტში სამართლის ფაკულტეტის სტუდენტებისათვის პირველ საჯარო ლექციას წაიკითხავენ.