2013 წლის 12 აპრილს გურამ თავართქილაძის სასწავლო უნივერსიტეტს პარტია „თავისუფალი საქართველოს“ ლიდერი კახა კუკავა და საქართველოს პარლამენტის ყოფილი წევრი დიმიტრი ლორთქიფანიძე სტუმრობდნენ.

თავდაპირველად სტუმრებმა დაათვალიერეს უნივერსიტეტის შენობა, მატერიალურ–ტექნიკური ბაზა, შეხვდნენ სტუდენტებს და თავსი აზრი გამოთქვეს საქართველოში უკვე განხორციელებულ თუ მიმდინარე სამართლებრივ რეფორმებზე.

შეხვედრა იმითაც იყო საინტერესო, რომ საკონფერენციო დარბაზში სამართლის ფაკულტეტის სტუდენტებიც იმყოფებოდნენ და შეხვედრის ფორმატიც დიალოგის რეჟიმში წარიმართა.

კახა კუკავა, თავის გამოსვლაში, შეეხო საკონსტიტუციო სფეროში მიმდინარე რეფორმებს, თავის აზრი გამოთქვა შრომის კოდექსში შესატან ცვლილებებზე. ისაუბრა რეგიონული და უმცირესობების ენების ქარტიის თაობაზე, ადმინისტრაციულ თუ საგადასახადო ჯარიმებზე, ასევე სახელმწიფოს მხრიდან ტრადიციული ფასეულობების დაცვისათვის გასატარებელი აუცილებელი ღონისძიებების თაობაზე და ა.შ.

შეხვედრის დასასრულს სტუმრებმა სტუდენტთა შეკითხვებს უპასუხეს.