სერტიფიკატები მსჯავრდებულებს უნივერსიტეტის რექტორმა გიორგი მათიაშვილმა გადასცა.
კურსდამთავრებულები და მეგობრები
ელენე მარგალიტაშვილი
მთავარი არხის დილის გადაცემა ,,შენი დილა” - ჟურნალისტი
გურამ თავართქილაძის სახელობის თბილისის სასწავლო უნივერსიტეტი საუკეთესო არჩევანია, რაც ცხოვრებაში გამიკეთებია!
ეს არის ადგილი, სადაც გამჩნევენ; ადგილი, სადაც უკეთესი ადამიანი ხდები; ადგილი, რომელიც თავიდან თითქოს შორი, შემდეგ კი ყველაზე ახლობელია.
სადაც არ უნდა ვისწავლო, რომელი უნივერსიტეტის სახელიც არ უნდა შეემატოს ჩემს ბიოგრაფიას, ყოველთვის, როდესაც კითხვას დამისვამენ, ყველაზე დიდი სიამაყით, სითბოთი და სიყვარულით ვუპასუხებ, რომ მე გურამ თავართქილაძის სახელობის თბილისის სასწავლო უნივერსიტეტის სოციალურ მეცნიერებათა ფაკულტეტზე ვსწავლობდი!
განცხადებები
ახალი ამბები
ახალი ამბები
მსჯავრდებულებს სერტიფიკატები გადაეცათ
16 დეკემბერი 2011
2011 წლის 16 დეკემბერს გურამ თავართქილაძის სასწავლო უნივერსიტეტის აკადემიურმა პერსონალმა პენიტენციალური სისტემისათვის მოკლე, სპეციალიზებული სასწავლო პროგრამის პირველი ეტაპი დაასრულა.
იმ დღეს რუსთავის მე-16 დაწესებულების ორმოც მსჯავრდებულს მცირე ბიზნესის, ინფორმატიკისა და ინგლისური ენის კურსების დასრულების დამადასტურებელი სერტიფიკატები გურამ
თავართქილაძის სასწავლო უნივერსიტეტის რექტორმა, პროფესორმა გიორგი მათიაშვილმა გადასცა.
სერტიფიკატების გადაცემის ცერემონიალს სასჯელაღსრულების, პრობაციისა და იურიდიული დახმარების საკითხთა მინისტრი ხათუნა კალმახელიძე, სამინისტროს დეპარტამენტების ხელძღვანელები: გიორგი ხოჯევანიშვილი, გიორგი ნიორაძე და პრობაციის ექსპერტი ნორვეგიიდან რუნი ფიჯელდი ესწრებოდნენ.
პროგრამის მეორე ეტაპი 2012 წლის თებერვლიდან განახლდება.
ამ მოვლენის ამსახველი ვიდეო მასალა შეგიძლიათ იხილოთ სასჯელაღსრულების, პრობაციისა და იურიდიული დახმარების საკითხთა სამინისტროს ვებ გვერდზე.