კურსდამთავრებულები და მეგობრები

ელენე მარგალიტაშვილი

ელენე მარგალიტაშვილი

H&M (Hennes&Mauritz Georgia) - თარჯიმან-კორექტორი


გურამ თავართქილაძის სასწავლო უნივერსიტეტი საუკეთესო არჩევანია, რაც ცხოვრებაში გამიკეთებია!

ეს არის ადგილი, სადაც გამჩნევენ; ადგილი, სადაც უკეთესი ადამიანი ხდები; ადგილი, რომელიც თავიდან თითქოს შორი, შემდეგ კი ყველაზე ახლობელია.

სადაც არ უნდა ვისწავლო, რომელი უნივერსიტეტის სახელიც არ უნდა შეემატოს ჩემს ბიოგრაფიას, ყოველთვის, როდესაც კითხვას დამისვამენ, ყველაზე დიდი სიამაყით, სითბოთი და სიყვარულით ვუპასუხებ, რომ მე გურამ თავართქილაძის სასწავლო უნივერსიტეტის სოციალურ მეცნიერებათა ფაკულტეტზე ვსწავლობდი! 

 


ახალი ამბები

იდეების ფესტივალი - 2013: გამარჯვებული გამოვლინდა

29 აპრილი 2013


2013 წლის 29 აპრილს გურამ თავართქილაძის სასწავლო უნივერსიტეტში რეკლამების კონკურსის „იდეების ფესტივალი –2013“ მეორე ტური ჩატარდა.

მეორე ტურში სამი გუნდი იყო წარმოდგენილი: „Simple Solution“; „ალპინისტები“ და „Ad Generation“.

ამ ტურში კონკურსანტებს ჟიურის მიერ მიცემული საშინაო დავალება – კომპანიების „გარდენიესა“ და „მზის სისტემების“ სარეკლამო რგოლები უნდა წარმოედგინათ. პარალელურად კი გუნდებს ადგილზევე, 20 წუთის განმავლობაში, კონკურსის ჟიურის მიერ ექსპრომტად დასახელებული „ხმოვანი გაზქურისა“ და ფრაზის „ქირავდება ფართის“ სარეკლამო რგოლის სცენარი უნდა მოეფიქრებინათ.


კონკურსანტები რამდენიმე კრიტერიუმით ფასდებოდნენ: კრეატიულობა, შემოქმედებითობა, დრო, ვიზუალური მხარე და პრეზენტაბელურობა.

კონკურსი საკმაოდ საინტერესოდ წარიმართა და გამარჯვებაც ღირსეულმა დაიმსახურა.

ჟიურის გადაწყვეტილებით, პირველი ადგილი „Simple Solution“ (96 ქულა); მეორე ადგილი – „ალპინისტებმა“ (89 ქულა), ხოლო მესამე საპრიზო ადგილი „Ad Generation“ (78 ქულა) დაიკავა.

გამარჯვებულ გუნდს ოთო დევაძე, ლიკა ბაკურაძე, ნათია ზარნაძე, ირაკლი ცოფურაშვილი და გიორგი სიმონიშვილი წარმოადგენდნენ.