2011 წლის 25 ივლისიდან 2 აგვისტომდე გურამ თავართქილაძის სასწავლო უნივერსიტეტის პროფესორ-მასწავლებლებით დაკომპლექტებული დელეგაცია, ბირმინგემის კოლეჯის მიწვევით, დიდ ბრიტანეთში აკადემიური, კულტურული და სოციალური ვიზიტით იმყოფებოდა.

შეხვედრები შედგა კოვენტრის, ასტონის უნივერსიტეტებისა და ბირმინგემის კოლეჯის ხელმძღვანელებთან და პროფესორ–მასწავლებლებთან.

ჩატარდა სემინარი თემაზე: ფინანსური რისკების მართვა.

მონაწილეებს გადაეცათ სერთიფიკატები.

მიმდინარე წელს გურამ თავართქილაძის სასწავლო უნივერსიტეტის რექტორ პროფესორ გიორგი მათიაშვილსა და ბირმინგემის კოლეჯის დირექტორ გოვინ დესაის მიერ ხელმოწერილი მემორანდუმი კიდევ ერთი ნათელი მაგალითია ქართველ და ბრიტანელ პროფესორ-მასწავლებელთა და სტუდენტთა ორმხრივი სასარგებლო და ურთიერთშეთანხმებული აქტივობებისა.

ურთიერთთანამშრომლობის ძირითადი ფოკუსია ერთობლივი სამაგისტრო პროგრამების განხორციელება ბიზნესის ადმინისტრირების სფეროში.