კურსდამთავრებულები და მეგობრები

ნოდარ ჯავახიშვილი

ნოდარ ჯავახიშვილი

„ჰუალინგ ჯგუფის“  ახალი პროექტის მარკეტინგისა და საზოგადოებასთან ურთიერთობის ხელმძღვანელი

 

2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.

ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.

გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე  მარკეტინგის ფაკულტეტი.

ამჟამად ვმუშაობ ჰიპერმარკეტ "გორგიაში" მარკეტინგისა და გაყიდვების დეპარტამენტის დირექტორად.

მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.

GTTU- ის ადგილია, სადაც ყველა საშუალება გეძლევა, მიაღწიო დასახულ მიზანს.

გირჩევთ,  ბოლომდე იბრძოლოთ საკუთარი მიზნის მისაღწევად და ღირსეულად ატაროთ GTTU-ლის სახელი.

ახალი ამბები

საქართველო–გერმანია: მეგობრობისა და პარტნიორობის კიდევ ერთი აღიარება

20 მარტი 2013

2013 წლის 20 მარტს გურამ თავართქილაძის სასწავლო უნივერსიტეტის სტუდენტები გერმანიის საგანგებო და სრულუფლებიან ელჩს საქართველოში ორთვინ ჰენიგს შეხვდნენ.

ელჩმა მოკლედ მიმოიხილა გერმანია–საქართველოს შორის არსებული ეკონომიკურ–პოლიტიკური, კულტურული და საგანმანათლებლო ურთიერთობები.

მანვე ხაზი გაუსვა იმ ფაქტს, რომ წელს საქართველო–გერმანიის დიპლომატიური ურთიერთობების 20 წლის იუბილე აღინიშნება და რომ გერმანია იყო პირველი სახელმწიფო, რომელმაც 1991 წელს აღიარა საქართველოს დამოუკიდებლობა და 1992 წელს საელჩო გახსნა თბილისში.

ელჩის თქმით, ,,ასეთი კეთილშობილური ჟესტით ჩვენ, გერმანელმა ხალხმა, შევძელით გაგვეღრმავებინა ის კონტაქტები, რომლებიც საქართველოს სამეფოს დროიდან გერმანიასთან არსებობდა და ხელი შევუწყვეთ კულტურისა და მეცნიერების სფეროებში არსებული მეგობრული ურთიერთობების შენარჩუნებასა და განვითარებას. ამასთან ერთად დავამყარეთ ახალი პოლიტიკური კონტაქტები და დავიწყეთ ინტენსიური ეკონომიკური თანამშრომლობა ახალგაზრდა ქართულ სახელმწიფოსთან. საქართველო არის ხიდი დასავლურ და აღმოსავლურ კულტურებს შორის. იგი წარმოადგენს ერთ-ერთ უძველეს ქრისტიანულ ქვეყანას ევროპაში, რომელიც დღეს თავის მომავალს ძველი ისტორიის საძირკველზე აშენებს".

ელჩმა ყურადღება გაამახვილა გერმანიის მონაწილეობაზე იმ საერთაშორისო საშუამავლო საქმიანობაში, რომლის მიზანიც არის აფხაზეთის რეგიონალური კონფლიქტის პოლიტიკური გზით მოგვარება.

ბატონი ჰენიგის თქმით, ,,გერმანია და გერმანელი ხალხი ევროკავშირთან და ნატოსთან ერთად მხარს ვუჭერთ საქართველოს ტერიტორიულ მთლიანობას და ჩართული ვართ მრავალ ერთობლივ პროექტში, რომელიც მიზნად ისახავს დემოკრატიული რეფორმების პროცესის გაძლიერებასა და საქართველოს დაახლოებას ევროპულ სტრუქტურებთან".

ელჩი შეეხო სტუდენტებისათვის ისეთ საინტერესო თემებს, როგორიცაა საზღვარგარეთ სწავლა და გაცვლითი პროგრამები და ვრცლად ისაუბრა ამ სფეროში არსებულ პერსპექტივებსა და შესაძლებლობებზე.

ელჩმა დაათვალიერა უნივერსიტეტის მატერიალურ–ტექნიკური ბაზა და სასწავლო ლაბორატორიები, გაესაუბრა სტუდენტებს.