კურსდამთავრებულები და მეგობრები

ნოდარ ჯავახიშვილი

ნოდარ ჯავახიშვილი

„ჰუალინგ ჯგუფის“  ახალი პროექტის მარკეტინგისა და საზოგადოებასთან ურთიერთობის ხელმძღვანელი

 

2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.

ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.

გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე  მარკეტინგის ფაკულტეტი.

ამჟამად ვმუშაობ ჰიპერმარკეტ "გორგიაში" მარკეტინგისა და გაყიდვების დეპარტამენტის დირექტორად.

მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.

GTTU- ის ადგილია, სადაც ყველა საშუალება გეძლევა, მიაღწიო დასახულ მიზანს.

გირჩევთ,  ბოლომდე იბრძოლოთ საკუთარი მიზნის მისაღწევად და ღირსეულად ატაროთ GTTU-ლის სახელი.

ახალი ამბები

საკალათბურთო ტურნირის ფინალი სპორტის სასახლეში

20 მაისი 2013

2013 წლის 20 მაისს სპორტის სასახლე, საქართველოს განათლებისა და მეცნიერების სამინისტროს მიერ ინიცირებული პროექტის ფარგლებში, პირველი ექსპერიმენტული საჯარო სკოლისა და ქართველ იუნკერთა სახელობის 52-ე საჯარო სკოლის გუნდებს შორის საკალათბურთო ტურნირის ფინალურ შეხვედრას მასპინძლობდა.

სასკოლო ჩემპიონატი საქართველოს განათლებისა და მეცნიერების სამინისტროსა და კალათბურთის ფედერაციის ორგანიზებით ჩატარდა.

ტურნირში თბილისის 24-ე საჯარო სკოლის, თბილისის პირველი ექსპერიმენტული საჯარო სკოლის, სკოლა “ლოგოსის”, 199-ე საჯარო სკოლა „კომაროვის”, ქართველ იუნკერთა სახელობის 52-ე საჯარო სკოლის, თბილისის 53-ე საჯარო სკოლის, სკოლა “მწიგნობართუხუცესისა” და თბილისის 23-ე საჯარო სკოლის ნაკრები გუნდების აღსაზრდელები იღებდნენ მონაწილეობას.

ფინალურ მატში ინიციატივას თავიდანვე თბილისის პირველი ექსპერიმენტული საჯარო სკოლის გუნდის აღსაზრდელები დაეუფლნენ და მატჩიც მათივე გამარჯვებით, ანგარიშით 90:71, დასრულდა.

ამარჯვებულ გუნდს თასი და მედლები, ტურნირის მხარდამჭერმა, გურამ თავართქილაძის სასწავლო უნივერსიტეტის რექტორმა, პროფესორმა გიორგი მათიაშვილმა გადასცა.

გურამ თავართქილაძის სასწავლო უნივერსიტეტსა და თბილისის პირველ ექსპერიმენტულ საჯარო სკოლას შორის ურთიერთთანამშრომლობის მემორანდუმს ხელი 2011 წელს მოეწერა.