2013 წლის 4 აპრილს გურამ თავართქილაძის სასწავლო უნივერსიტეტის სტუდენტებისა და პროფესორ-მასწავლებლებისათვის გაიმართა პრეზენტაცია, რომელიც გურამ თავართქილაძის სასწავლო უნივერსიტეტსა და ბირმინგემის კოლეჯს შორის ჩამოყალიბებული ურთიერთთანამშრომლობის ნათელ მაგალითად შეიძლება ჩაითვალოს.

გურამ თავართქილაძის სასწავლო უნივერსიტეტის საერთაშორისო ურთიერთობის განყოფილების ხელმძღვანელმა პროფ. ინგა დიაკონიძემ და ამავე უნივერსიტეტის ბიზნესის ადმინისტრირების ფაკულტეტის ბიზნესის მართვის კათედრის ასოცირებულმა პროფესორმა ვასილ კაციაშვილმა უნივერსიტეტის სტუდენტებს და პროფესორ-მასწავლებლებს მიაწოდეს ინფორმაცია ბირმინგემის კოლეჯში მიმდინარე ინგლისური ენის შემსწავლელი სერტიფიცირებული კურსების, ასევე ტრენინგ პროგრამების, აკადემიურ თუ კულტურულ ტურებში მონაწილეობისა და იმ უპირატესობების შესახებ, რომლითაც გამოირჩევა ეს პროგრამები და რომელსაც სთავაზობს კოლეჯი თავისი პარტნიორი უნივერსიტეტების სტუდენტებს.

პრეზენტაციაზე სტუდენტებს მიაწოდეს ინფორმაცია მომავალში განსახორციელებელ ერთობლივ სამაგისტრო საერთაშორისო პროგრამაზეც ბიზნესის ადმინისტრირებაში.

იყო შეკითხვები, რომელზეც სტუდენტებმა და პროფესორ–მასწავლებლებმა ამომწურავი და კვალიფიციური პასუხები მიიღეს.