კურსდამთავრებულები და მეგობრები

მარიამ კუტალია

მარიამ კუტალია

საქართველოს სასჯელაღსრულების და  პრობაციის სამინისტრო

გურამ თავართქილაძის სახელობის თბილისის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.

ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე. 

ახალი ამბები

ელენე მარგალიტაშვილი – "ახალი ხმის" გამარჯვებული გახდა

3 თებერვალი 2012

2012 წლის 2 თებერვალს საქართველოს ახალგაზრდობის სახლში რადიო STAR FM 93,9 და საქართველოს სპორტისა და ახალგაზრდობის საქმეთა სამინისტროს ერთობლივი კონკურსის „ახალი ხმის“ გამარჯვებულებთან საზეიმო შეხვედრა შედგა.

კონკურსის გამარჯვებული, რადიოს მსმენელებმა, სატელეფონო შეტყობინებების მეშვეობით გამოავლინეს.

კონკურსში პირველი ადგილი გურამ თავართქილაძის სასწავლო უნივერსიტეტის სოციალურ მეცნიერებათა ფაკულტეტის მესამე კურსის სტუდენტმა – ელენე მარგალიტაშვილმა დაიკავა და იგი, კონკურსის პირობებიდან გამომდინარე, რადიო STAR FM 93,9 წამყვანი გახდება. ელენემ შემოსულ ხმათა უმრავლესობა მიიღო.

საზეიმო ცერემონიალზე პროექტის „ახალი ხმა“ რჩეულებიც დასახელდნენ. სპორტისა და ახალგაზრდობის საქმეთა სამინისტროს რჩეულად კავკასიის საერთაშორისო უნივერსიტეტის სტუდენტი მარიამ ბურდული დასახელდა, ხოლო რადიო STAR FM 93,9 რჩეული გრიგოლ რობაქიძის უნივერსიტეტის სტუდენტი თათა ღვედაშვილი გახდა. პროექტის დანარჩენ მონაწილეებს სერტიფიკატები გადაეცათ.

რაც შეეხება თავად კონკურსს, კონკურსში სულ თორმეტი სტუდენტი იღებდა მონაწილეობას და რაც ყველაზე მნიშვნელოვანია, კონკურსის მიმდინარეობის პერიოდში, კონკურსანტებმა რადიო–ჟურნალისტიკის თეორიული და პრაქტიკული კურსი გაიარეს, გაეცნენ რადიოს მუშაობის სპეციფიკას, ამზადებდნენ სიუჟეტებს სტუდენტებისათვის აქტუალურ თემებზე, უძღვებოდნენ მუსიკალურ ეთერს და აშუქებდნენ ქართული სპორტის სიახლეებს.

ახალგაზრდობის სასახლეში გამარჯვებულები სპორტისა და ახალგაზრდობის საქმეთა სამინისტროს ახალგაზრდული დეპარტამენტის უფროსმა ირაკლი მეგრელიშვილმა და რადიო STAR FM დირექტორმა ხათუნა კაპანაძემ დაასახელეს.

სულითა და გულით ვულოცავთ ჩვენი უნივერსიტეტის სტუდენტს ელენე მარგალიტაშვილს ამ დიდ გამარჯვებას და წარმატებებს ვუსურვებთ მას.