განახლებულ კრიმინალისტიკურ ლაბორატორიაში რეალურ სიტუაციებთან მაქსიმალურად მიახლოებული პირობებია შექმნილი.
კურსდამთავრებულები და მეგობრები
მარიამ კუტალია
საქართველოს სასჯელაღსრულების და პრობაციის სამინისტრო
გურამ თავართქილაძის სახელობის თბილისის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.
ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე.
ახალი ამბები
ახალი ამბები
კრიმინალისტიკური ლაბორატორია – მომავალი იურისტებისათვის
28 თებერვალი 2012
2012 წლის 28 თებერვალს საქართველოს განათლებისა და მეცნიერების მინისტრმა დიმიტრი შაშკინმა გურამ თავართქილაძის სასწავლო უნივერსიტეტის სამართლის ფაკულტეტის განახლებული კრიმინალისტიკური ლაბორატორია დაათვალიერა.
უნივერსიტეტის ხელმძღვანელობა და აკადემიური პერსონალი, თეორიული ცოდნის მიღების პარალელურად, სტუდენტების პრაქტიკული უნარ–ჩვევების გამომუშავებაზეც ზრუნავენ.
უნივერსიტეტის ამოცანაა, მისცეს სტუდენტებს, პროფესიული და სოციალური მოთხოვნილებების გათვალისწინებით, შრომის ბაზარზე ორიენტირებული ისეთი ცოდნა და განათლება, რომელიც
შემდგომში მისი ცხოვრებისეული წარმატებისა და წინსვლის გარანტია იქნება.
სამართლის ფაკულტეტის განახლებულ კრიმინალისტიკურ ლაბორატორიაში რეალურ სიტუაციებთან მაქსიმალურად მიახლოებული პირობებია შექმნილი
მომავალი იურისტები, კვალიფიციური სპეციალისტების დახმარებით, კრიმინალისტიკური ტექნიკის, საგამოძიებო ტაქტიკისა და ცალკეული ხასის დანაშაულთა გამოძიების ისეთ უმნიშვნელოვანეს საკითხებს შეისწავლიან, როგორიცაა კვალთა და სხვა მტკიცებულებათა გამოვლენა, ფიქსირება და გამოკვლევა, ასევე საგამოძიებო მოქმედებების ჩატარების, ადამიანის სიცოცხლის, საკუთრების წინააღმდეგ მიმართულ, სატრანსპორტო, სამოხელეო თუ სხვა დანაშაულების გამოძიების მეთოდიკის თავისებურებებსაც დაეუფლებიან.
ამ ვიზიტის ამსახველი ინფორმაცია შეგიძლიათ იხილოთ საქართველოს განათლებისა და მეცნიერების სამინისტროს ვებ-გვერდზე.