კურსდამთავრებულები და მეგობრები

მარიამ კუტალია

მარიამ კუტალია

საქართველოს სასჯელაღსრულების, პრობაციისა და იურიდიულ დახმარების საკითხთა სამინისტრო


გურამ თავართქილაძის სასწავლო უნივერსიტეტი - ადგილი, სადაც გავიზარდე პროფესიული თვალსაზრისით და ჩამოვყალიბდი დამოუკიდებელ პიროვნებად. უნივერსიტეტი, სადაც პირველივე დღიდან თავს ისე ვგრძნობდი, როგორც ოჯახში. აკადემიური პერსონალის, რექტორატისა და თითოეული თანამშრომლის თბილი დამოკიდებულება სტუდენტების მიმართ, კეთილმოწყობილი ინფრასტრუქტურა, მაღალი დონის განათლების მიღების საშუალება, პრაქტიკაზე ორიენტირებული სწავლება, საერთაშორისო პროგრამების ფარგლებში ჩატარებული ლექცია-სემინარები - აი, ყველაფერი ის, რაც ხდის გურამ თავართქილაძის სასწავლო უნივერსიტეტს ფასეულს და კონკურენტუნარიანს საქართველოს მასშტაბით.

ბედნიერი ვარ, რომ ოთხი წლის განმავლობაში ვიყავი ამ უნივერსიტეტის ბაკალავრიატის წარჩინებული სტუდენტი, გურამ თავართქილაძის სახელობითი სტიპენდიანტი და ჩემი პირველი სამსახურიც ჩემი უნივერსიტეტის დახმარებით დავიწყე. ახლაც დიდი სიამაყით და სიხარულით ვაგრძელებ სწავლას გთსუ-ს მაგისტრატურაში.

ახალი ამბები

კონფერენცია ეროვნული თავდაცვის აკადემიაში

20 ივნისი 2013

2013 წლის 19 ივნისს დავით აღმაშენებლის სახელობის საქართველოს ეროვნული თავდაცვის აკადემიაში აკადემიის 20 წლის იუბილესადმი მიძღვნილი სამეცნიერო–ტექნიკური კონფერენცია გაიმართა.

ეროვნული თავდაცვის აკადემიამ უკვე მეორედ უმასპინძლა სტუდენტურ კონფერენციას და მასში საქართველოს ცხრა სხვადასხვა უმაღლესი სასწავლებლის პროფესორ–მასწავლებლები, სტუდენტები და აკადემიის მსმენელები იღებდნენ მონაწილეობას.

კონფერენციის მონაწილეებს სამი მიმართულებით მოუწიათ მუშაობა: ტექნიკური, ჰუმანიტარული და ეკონომიკური.

გურამ თავართქილაძის სასწავლო უნივერსიტეტის ბიზნესის ადმინისტრირების ფაკულტეტის მესამე სასწავლო წლის სტუდენტი თათია ყურაშვილი ეკონომიკური სექციის მუშაობაში იღებდა მონაწილეობას. მისი საკონფერენციო თემის სახელწოდება იყო: „დროისა და ინფორმაციის პერსონალური მართვის მენეჯერი Outlook”.

თათია ყურაშვილმა ეკონომიკურ სექციაში, ეროვნული თავდაცვის აკადემიის სტუდენტების შემდეგ, მესამე საპრიზო ადგილი დაიკავა.

კონფერენციის მონაწილეებს შესაბამისი დიპლომები გადაეცათ.

ტექნიკურ კონფერენციას ამერიკელ მრჩეველთა ჯგუფის წარმომადგენლებიც ესწრებოდნენ.