ოლიმპიადაში პირველ ადგილზე გუნდი „კრეატივი“; მეორე ადგილზე -„დებიუტანტები“, ხოლო მესამე ადგილზე- „პოზიტივი“ გავიდა.
კურსდამთავრებულები და მეგობრები
ნოდარ ჯავახიშვილი
ფარმსახლი, კომერციული დირექტორი
2013 წელს დავამთავრე გურამ თავართქილაძის სასწავლო უნივერსიტეტი სამართლის ფაკულტეტი.
ეროვნულ გამოცდებამდე დიდხანს ვფიქრობდი, სად ჩამებარებინა, თუ რომელი უნივერსიტეტი მომცემდა თანამედროვე განათლებას და დღეს უკვე ვხდები, რომ უმაღლესი სასწავლებლის არჩევანში არ შევმცდარვარ. მე მივიღე სწორედ ისეთი განათლება, რომელზეც თავისუფლად შეგიძლია ააშენო შენი მომავალი მყარი კარიერა.
გურამ თავართქილაძის სასწავლო უნივერსიტეტის დახმარებით მოვხვდი მსოფლიოს ერთ-ერთ საუკეთესო უნივერსიტეტში - Charles University in Prague, დავამთავრე მარკეტინგის ფაკულტეტი.
მადლობა გურამ თავართქილაძის სასწავლო უნივერსიტეტის აკადემიურ პერსონალს, ადმინისტრაციის წარმომადგენლებს, რომელთა დამსახურებითაც ჩვენ პროფესიონალებად ჩამოვყალიბდით, შევიძინეთ ცოდნა და ცხოვრების ასპარეზზე გავედით.
GTUNI ის ადგილია, სადაც ყველა საშუალება გეძლევა, მიაღწიო დასახულ მიზანს.
გირჩევთ, ბოლომდე იბრძოლოთ საკუთარი მიზნის მისაღწევად და ღირსეულად ატაროთ ამ უნივერსიტეტის სახელი.
ახალი ამბები
ახალი ამბები
ბიზნეს ოლიმპიადა 2011
20 მაისი 2011
2011 წლის 20 მაისს გურამ თავართქილაძის სასწავლო უნივერსიტეტში უნივერსიტეტისა და კონსალტინგური ცენტრის „Manager of Future’’ ინიციატივით ბიზნეს ოლიმპიადა 2011 ჩატარდა. კონსალტინგური ცენტრი „Manager of Future“ 2005 წელს დაარსდა და 2010 წელს უნივერსიტეტთან ხელშეკრულებაც გააფორმა.
ოლიმპიადაში ბიზნესის ადმინისტრირების ფაკულტეტის სტუდენტთა 12 გუნდი მონაწილეობდა. ისინი ერთმანეთს ოთხ ნომინაციაში ეჯიბრებოდნენ: გუნდის წარდგინება; კითხვა-პასუხი: „რა ვიცით ბიზნესის შესახებ; ბიზნეს ქეისი და ბიზნეს იდეა.
სტუდენტებს კომპეტენტური ჟიური აფასებდა, რომელშიც შედიოდნენ: გთსუ-ის სრული პროფესორები და კონსალტინგური ცენტრის ექსპერტები დავით ვეკუა და კობა ჩაგელიშვილი, საქართველოს პარლამენტის საზოგადოებასთან
ურთიერთობის დეპარტამენტის უფროსი - მაკა გიგაური, კომპანია „ავერსის“ გენერალური დირექტორის მოადგილე - ბესო ჩუბინიძე და კომპანია „IC group”-ის იურიდიული დეპარტამენტის უფროსის მოადგილე ლაშა ლორია.
ჟიურის გადაწყვეტილებით საპრიზო ადგილები შემდეგნაირად განაწილდა: პირველ ადგილზე გავიდა გუნდი „კრეატივი“; მეორე ადგილზე-„დებიუტანტები“, ხოლო მესამე ადგილზე- „პოზიტივი“.
ამას გარდა ოლიმპიადაზე ოთხი ნომინაცია გათამაშდა: ნომინაციაში „ყველაზე კრეატიული გუნდი“ გამარჯვებული გახდა გუნდი „ფენიქსი“; ნომინაციაში „ყველაზე გუნდური“ გაიმარჯვა გუნდმა „პოზიტივმა“; ნომინაციაში - „ყველაზე ორიგინალური გუნდი“ გამარჯვება წილად ხვდა ორ გუნდს: „Homo Economicu“ და „Aspiritive Group“, ხოლო „ანალიტიკური აზროვნების უნარის გუნდის“ ნომინაციაში გაიმარჯვა გუნდმა „ნიკემ“.